SÉANCE 22 COURS DE DIOULA

LÉÇON 22 : KALANSEN MUGAN NI FILANAN

.Contexte de communication\ O mɔgɔ fila taga la foro la ɲɔgɔn fɛ. YOUSSOUF ya foro yɔɔrɔ ka jan dugu la. Nka o ka sira bɛɛ kɛ o sen na. O ya tagama ka miniti bisaba ɲɔgɔn bɔ.
- Arrivés au champ (o senin foro la)
N teri, n sɛgɛ la kojugu. I ya foro yɔɔrɔ ka jan dɛh !\ Ile ko ten wa? Ne be sira nin tagaman lon o lon. N dege la tagaman na.
A ma nɔgɔ ne bolo dɛh. An tun ka kan ka nan yan moto kan\ Nka moto tɛ ne bolo oh. Bolifen tɛ ile fana bolo.
An tun be se ka Moussa ya moto ta\ Hee Coulibali, a ka ɲi ten. Fagobagatɔya kuman dabila. An se la foro la kaban
N ka a mɛn nka n tena se ka i dɛmɛn tugun sabu n sɛgɛ la kojugu\ I bena kusɛnɛ dege cogo di ni i t’a fɛ ka baara kɛ?
Baara damina, n bena i baarakɛcogo filɛ dɔrɔn. Lon gbɛrɛ, n bena i dɛmɛn\ Walaye, n nimisa la Coulibali. I nan na sigi dɔrɔn ka n filɛ wa?
O tɛ, tagaman le ka n sɛgɛ\ N ka a faamu. N baarakɛcogo filɛ kaɲan dɛh!
N ka a mɛn. N teri, n b’a fɛ ka fen kelen faamu : Ni i se la foro la oh, i be mun kɛ fɔlɔ ?\ Ni n se la foro la, n ya baara fɔlɔ ye ka yaala foro yɔɔrɔ bɛɛ ka a filɛ ni kow ka ɲi. O kɔfɛ, n be se ka n ya terekɔnɔ baara damina.
An bena baara jumɛn kɛ bi?\ Bi baara ma ca. An bena kufɛrɛnw do dugu la dɔrɔn/An bena kufɛrɛw turu tugunw la dɔrɔn
O ka nɔgɔ ko jugu. N bena n lafiyɛn dɔɔni ka sɔrɔ ka baara damina.\ Basi tɛ, ne bena baara damina sisan sisan.

Quelques heures plus tard (Lɛɛri daman daman tɛmɛnin kɔfɛ)

Bi baara kɔfɛ, an bena mun kɛ lon gbɛrɛ ?\ Lon gbɛrɛ, an bena binjuguw bɔ foro la walasa kuw be fɛrɛn kaɲan.
O kɔfɛ do?\ An bena a to kuw be kɔgɔ kaɲan. Ni o kɔgɔ la, an be se ka o bɔ k’o feere walima k’o domun.
Ku be kalo joli kɛ kasɔrɔ ka kɔgɔ kaɲan?\ Kusɛnɛla ma kan ka kɔrɔtɔ. Ku be se ka kalo seegi waliman san kelen ɲɔgɔn kɛ dugukolo la n’i b’a fɛ a be kɔgɔ kaɲan.
Ola, annugu bena nan foro la siyɛn joli kalo kɔnɔ ?\ Siyɛn saba walima siyɛn naani.
A bena bɛn. Nka an ka kan ka borifen ɲini siyɛn gbɛrɛ\ Ni Allah sɔn na, n bena moto kelen san kalo nanta.