SÉANCE 25 COURS DE DIOULA

1. LÉÇON 25 : KALANSEN MUGAN NI LOORUNAN

1.1. RUBRIQUE DIALOGUE

  • Baro tan ni naaninan/Thème 14 : n’a ya denbaya bɛ maki la

Lɔgɔfɛ kɔfɛ, Coulibaly n’a ya denbaya taga la maki la. Coulibaly, Alexia ni Markus bɛna domuni ni minfen kula nɛnɛn.

(Arrivés au maki : O senin maki la)

  • A ni sɔgɔma

  • N b’a, a danse. Sigiyɔrɔ be yi

  • Hakɛto, kɔngɔ bɛ an na. Domuni bɛ feere yan wa?

  • ɔn-hɔn, domuni bɛ yan. Nka a b’a fɛ ka mun domun?

  • Malo ni tigadɛgɛnan

  • Heeee, n balenmancɛ. Ile fana, malo ni tigadɛgɛnan tɛ sɔrɔ yan dɛh ! Yan ye maki le ye. Nanmanfenw tɛ feere yan

  • O tuman na, alugu bɛ domunisugu jumɛn le feere yan ?

  • Yan ye maki ye, sisɛsogo jɛninin ni cɛkɛ bɛ sɔrɔ walima jɛgɛ jɛninin

  • Ayiwa, an bɛna o sisɛsogo ni jɛgɛ domun

  • Ka nan ni jɛgɛ joli ye?

  • Alexia, Markus, alugu bɛ mun fɛ ?

  • (Alexia) Ne bɛna sisɛsogo ta nka Markus b’ɛ jɛgɛ le fɛ

  • N tericɛ, nan ni sisɛsogo yiranni ni jɛgɛ kelen ye

  • Sisɛ kelen ye kɛmɛ seegi nka jɛgɛ ye kɛmɛ naani

  • A ka nyi, i be se ka nan n’o ye

  • Cɛkɛ do, a bɛ siri joli fɛ?

  • Cɛkɛ ye mun ye?

  • A kuman tɛ fɔ, a ye an nɛnɛn ka a filɛ dɔrɔn. A ka nyi ni sogosugu bɛɛ ye

  • Siri saba bɛna an bɔ

  • A ya domuni filɛ. Ala ye a suman a kɔnɔ

  • Amina

(Après avoir pris le repas : o tlanin domunin na)

  • N balenmancɛ, cɛkɛ ka di dɛh. An tun ma degi (deli) ka a domun fɔlɔ. An bɛna dɔ san ka taga ni a ye Canada

  • N’i b’a fɛ ka cɛkɛ san, n bena cɛkɛ feereyɔɔrɔ nyuman dɔ yira i la

  • O bɛna diya n ye kosɔbɛ. Dɔrɔ jumɛn bɛ sɔrɔ yan?

  • Ginɛsi, bofor, dorogba…Dɔrɔ sugu caman bɛ yan

  • Dorogba wa? Balɔntanna dorogba ya dɔrɔ fana bɛ feere wa ?

  • A ya dɔrɔ tɛ dɛh. Kɔdiwarikaw le ka a tɔgɔ di dɔɔrɔ tɔgɔ ma sabu a k’a pibilisite kɛ telebizɔn na

  • N ka a famu sisan. Ayiwa dorogba saba di an man

  • Dorogba saba bɛ bɛn kɛmɛ naani ma

Après avoir bu: o tlanin dɔrɔmin na

  • A bɛɛ kɛla joli ?

  • Waga kelen ni kɛmɛ wɔɔrɔ

  • Waga fila minan. Wariminsɛn ye i ta ye

  • A ni ce. An bena segi yan lon jumɛn?

  • N ma la a la ni an bɛna segi yan. An tagayɔrɔ ka ca. Nka bɛna i ya telefɔni nimero ta

  • I bɛ se ka n wele 08892439 kan. An bɛ ni Ala sɔn na

  • An bɛ n balenmancɛ

2. LA FORMULE GRAMMATICALE DU JOUR

Des phrases construites avec « bɛ/tɛ » qui expriment un constat, une remarque ou une interdiction. En espérant que ces quelques exemples permettront de mieux appréhender les éventuelles nuances.

  • Ji bɛ feere yan ne

  • Jabibi bɛ sɔrɔ Bouake lɔgɔfɛba la

  • Nanmanfen tɛ feere maki la

  • Dɔrɔ bɛ min lu nin kɔnɔ lon bɛɛ

  • Mobili tɛ timin sira nin kan

  • Samara tɛ don misiri kɔnɔ abada

  • Ba nin jɛgɛ tɛ domun

  • Cɛkɛ tɛ sɔrɔ Canada

  • Sirikɛrɛti tɛ feere yan

  • Nyɛgɛnɛn tɛ kɛ yan dɛh

3. DIVERS

Discussions autour des éventuelles préoccupations de l’apprenant à propos des précédents cours ou de situations de communication qu’il souhaite mieux comprendre. Toutes les questions sont les bienvenues.