SÉANCE 2021-03-07

1. TEXT: Garange

Ali ye garange ye. A bɛ sigi lɔgɔfɛba la ka samaraw kalan, a bɛ bɔɔrɔw fana kalan. A bɛ gbolo baara kɛ. A bɛ gbolo tigɛ ka samara kuraw ladinɛ. A bɛ sɛbɛdenw tugu. A bɛ baganw fana karan. Ali bɛ suluyew fana ladinɛ. A bɛ se samara ladinɛ na. A bɛ samara kɔrɔw fana kɛ kuramanw ye. Ali bɛ mɔgɔkɔrɔba samaraw feere. A bɛ denmisɛntaw fana ladinɛ ka o feere. Mɔgɔ caman bɛ nan Ali fɛ ka samara san. A ya samaraw sɔngɔ ka di. A bɛ wari caman sɔrɔ.

2. Vocabulaire

Tableau 1. Vocabulaire
Ali:: Ali a:: il baara:: travail baganw:: amulettes, talismans baro:: dialogue bɔɔrɔw:: sacs bɛ:: aux. caman:: beaucoup denmisɛnnin taw:: pour les tous petits di:: bon fana:: aussi, également feere:: vendre fɛ:: chez garange:: coordonnier gbolo:: peau ka:: aux. Devant adjectif ka:: pour kalan:: coudre kalansen:: leçon kura:: nouvelle, neuf, neuve kuramanw:: nouveaux kɔrɔw:: vieux, usés kɛ:: faire la:: au ladinɛ:: fabriquer, reparer, reparation lɔgɔfyɛba:: grand marché mɔgɔ:: personne mɔgɔkɔrɔba:: personne âgée

2.1. Exercise

Nyiningali ninugu jaabi

  1. Garange ya baara ye mun ye ?

  2. I ka garange dɔ lon Bouaké walima san Pedro wa?

  3. Samara sugu jumɛn ka di ile ye ?

  4. Ali bɛ samara sugu jumɛn ladinɛ ?

  5. Ali bɛ nafa sɔrɔ samaraladinɛ la wa ?

  6. I b’i ya samaraw labɛn garangew fɛ waliman I b’o labɛnnin san samarafeerelaw fɛ ?

  7. Samara min labɛn na bolo la ani min labɛn na nin masini ye, jumɛn le ka di ile ye ?

  8. Fɔlɔfɔlɔ, garange tun ye siyako ye. Ile nyana, bi kow bɛ o cogo kɔrɔ la wa ?

3. Point de Grammaire :

L’insistance et la mise en relief : « yɛrɛ », « fana », « le »

« yɛrɛ »

  1. Ne yɛrɛ le ka nin labɛn, mɔgɔ gbɛrɛ tɛ

  2. Ali kɔrɔcɛ yɛrɛ le nan na yan kunu, a baden gbɛrɛ ma nan

  3. Jenbe tɛ a yɛrɛ fɔ, mɔgɔ le bɛ jenbe fɔ

  4. Ne yɛrɛ bena a wele sini sɔgɔman joonan

  5. Ne yɛrɛ ma kɛnɛ bi

« fana »

  1. Ale dɔrɔn tɛ se ka baara nin kɛ, ne fana be se

  2. Ale kelen ma furu, anugu fana furu la

  3. Coulibaly dɔrɔn ma don, anugu fana don na bon kɔnɔ

  4. Cɛ nin dɔrɔn tɛ baara kɛcogo lon, ne fana k’a lɔn

  5. Muso nin fana ma nan furusiriyɔrɔ la karilon

« le »

  1. Ne tɛ, ale le ka bon nɔgɔ

  2. Fɔlɔfɔlɔ, Garange dɔrɔn le tun bɛ gbolo baara

  3. Ale le bɛ mɔgɔw dɛmɛn ka baji tɛgɛ

  4. Siriki le ka nin kɛ, mɔgɔ gbɛrɛ tɛ

  5. Coulibaly ma foyi kɛ bi, Youssouf le ka ko bɛɛ kɛ

3.1. Baarakɛta :

Propose au moins trois (03) phrases pour chacun des contextes ci-dessous