SÉANCE 19 COURS DE DIOULA

1. LÉÇON 19 : KALANSEN TAN NI KƆNƆNTƆNAN

1.1. BARO SEEGINAN/THEME 8 : à la gare d’Abidjan

Contexte de communication
bɛ taga Abidjan bi. A ka san tan ni looru nyɔngɔn kɛ Bouaké nka bi, a b’a fɛ ka taga sigi Abidjan. Coulibaly nyana, warisɔrɔ ka nɔgɔ Abidjan katimi Bouaké kan. Abidjan ni Bouake cɛ ye kilo kɛmɛ saba ni dɔɔni. A sori la ka bɔ jango a bɛ se à seyɔrɔ la jonan. A ka à ya tike (mobilisarasɛbɛ) ta kabini kunu wulafɛ.
  • I ni sɔgɔma

  • N’ba YOUSSOUF, i ni sɔgɔma. Somɔgɔw do?

  • O ka kɛnɛ kosɔbɛ. I bɛ taga mini ten ?

  • N be taga Abidjan bi.

  • O ka di wa?

  • Ɔn-hɔn, o ka di kosɔbɛ. n’ba fɛ ka taga sigi Abidjan

  • Eehhh n tericɛ, o tuman na Bouake ma di i ye tugun wa?

  • O tɛ, n ya baara le bɛ n lase Abidjan. Yan, n tɛ nafa bɛrɛ bɛrɛ sɔrɔ la

  • I tun ma kan ka kɔrɔtɔ. Ko bɛɛ n’a wagati

  • O ye can ye, nka n sanji tan ni looru le bɛ Bouake bi, kɔgɔ tɛ bɔ la nan na

  • I bena mun baara (jumɛn) kɛ Abidjan, ɔridinatɛri baara wa?

  • Ɔn-hɔn, n tɛ baara gbɛrɛ lɔn ni o tɛ ho

  • Allah ye yen diya i la katimi yan kan n tericɛ

  • Amina

  • I ka tike ta gari jumɛn na?

  • "Abidjan express", o ya mobilisara sɔngɔ ma ca, o ya mobilikɔnɔyɔrɔw sanuyanin bɛ

  • "Abidjan express" ya mobilisara ye joli ye ?

  • Waga kelen ni kɛmɛ naani

  • Ni i tun k’a fɔ n nyana jonan n tun bɛna kow nɔgɔya i ye/bolo

  • Cogo di ?

  • N kɔrɔcɛ taga la bi sɔgɔman jonan Abidjan a yɛrɛ ya mobili la. A tun bɛ se ka taga nyɔgɔn fɛ

  • Ehh, o tun bɛna diya n ye kosɔbɛ nka basi tɛ. A bɛna bɛn

  • Ka i nyuman se/don

  • Amina, n bena a wele ka Abidjan kibaroyaw di a man.

Quelques minutes et c’est le depart (tuman dɔɔni, o ko tagawagati se la)

  • A ye nan do jonan an bɛ taga

  • N be se ka don ni n ya doniw bɛɛ ye kari/mobili kɔnɔ wa ?

  • Ɔn-ɔn, i ya doniw ka ca kojugu. Paranticɛ bɛna o ladon mobilikɔfuru kɔnɔ

  • A ye sabari ka n ya doniw bila yɔrɔ sanuman na dêh!

  • I kana jɔrɔ, n bena a fɔ à nyana/ye

  • I n ice n tericɛ

  • I ya tike bɛ mini?

  • Tike filɛ. N ka kan ka sigi sofɛricɛ kɛrɛ fɛ

  • O tɛ basi ye. I bɛ se ka sigi yɔrɔ min ka i diya. Yɛlɛ an bɛ taga.