SÉANCE 18 COURS DE DIOULA

1. LÉÇON 18 : KALANSEN TAN NI WOROFILANAN

1.1. BAARO WƆƆRƆNAN/THEME 6 : Le rôle de la femme chez les mandingues

Contexte de communication
N’a tericɛ ya baro bɛ boli muso lɔyɔrɔ le kan mandenkaw fɛ. Muso ni cɛ baarakɛcogo n’o ya baarakɛtaw ye kelen ye wa ? Coulibaly nyana, muso ni cɛ be se ka baara kelen kɛ. Nka Youssouf hakili la, muso ni cɛ ma kan ka baara kelen kɛ sabu o fila fanga tɛ kelen ye.
  • I ni sɔgɔma

    • N’ba YOUSSOUF, i ni sɔgɔma. Somɔgɔw do?

  • O ka kɛnɛ kosɔbɛ. i bɛ mun kɛ la bon kɔnɔ ?

    • Sigi ka n kɔnɔn. N bɛna bɔ sisan sisan

  • N b’i kɔnɔn na kɛnɛma yan

    • I danse n tericɛ. Hakɛ to, n tun bɛ terela le tobi la

  • Eeeeh, ile fana. Cɛ ma kan ka gba kɛ. O ye musobara le ye

    • Ile ma foyi famu dununya tagabolow la. Ile ma a lɔn ko cɛw le bɛ gba kɛ lotɛlibonw ni domunikɛyɔrɔbaw la wa ?

  • Cɛ minw bɛ gba kɛ lotɛlibonw walima domunikɛyɔrɔbaw la, o tɛ cɛ bɛrɛbɛrɛ ye. N’o tɛ annugu mandenkaw fɛ, cɛ tɛ gba kɛ abada. Cɛ ya baaraye dɔrɔn ka domuni ni lu musakaw nyini ka a ya denbaya ladiya

    • O ye can ye nka bi dununya gbɛlɛya la. A kɛla jagboya ye muso bɛ a cɛ dɛmɛ ka lɔ lu kunkoyaw kɔrɔ

  • A bɛ ile nyana ko an bɛ Faransi walima Angileteri wa? Farafina, muso lɔyɔrɔ ye furu ni denkɛ dɔrɔn ne ye

    • Ile ni fɔlɔfɔlɔmɔgɔw hakilinan ye kelen ye. Bi, muso ni cɛ bɛ nyɔgɔn dɛmɛ sokɔnɔbaaraw la. Muso bɛ se ka a cɛ dɛmɛ ka bon sara, walima ka nansɔng dafa.

  • O ye fagobagatɔkan ne ye. Mɔgɔ o mɔgɔ bɛ a muso ya wari domun, o ma kan ka kuman cɛ tɔw cɛman

    • A ka nyi ten. A bɛ i n’a fɔ n bɛ n yɛrɛ sɛgɛ la gbansan. Ile hakilinan te se ka yɛlɛman

  • Ne kelen tɛ dɛ ! Ile fana hakilan ka kan ka yɛlɛman. An bɛ farafina nka a bɛ ile nyana ko an bɛ faragbɛla le.

1.2. BARO WORONFILANAN : A L’HOPITAL

Contexte de communication
Ma kɛnɛ bi sɔgɔma. A taga la dɔtɔrɔso la ka taga a yɛrɛ furakɛ. A ka a ya dimiw kun fɔ dɔtɔrɔcɛ nyana. Dɔtɔrɔcɛ ko ko sumaya le b’a la. A ka furasansɛbɛ di ma jango a bɛ furaw san ka a ya bana furakɛ.
  • N’ba i ni sɔgɔma. Dɔdi sɔgɔma

  • Dɔtɔrɔ, n fari ma di n na/n ma kɛnɛ

  • I yɔrɔ jumɛn b’i dimin na?

  • N kun ne bɛ n dimini kabini kunu. N fɔnɔn na fana ka tere ban

  • Sigi n bɛna i filɛ (peu courant: n bɛna I fari sɛgɛsɛgɛ)

Quelques minutes après

  • Sumaya le b’i la n badenmancɛ

  • N ka sumaya fila ta kunu, a bɛ sɔrɔ bana gbɛrɛ le bɛ n na

  • I ka fila jumɛn ta ?

  • Farafinfila. Filaburu kunaman minw jakwajo furakɛ n ka ole ta

  • Ile ma lɔn ko farafinfuraw ma nyi wa ? O be se ka banan gbɛrɛ lase i ma. N bɛna tubabufura daman daman sɛbɛ ka a d’i ma. I ka kan k’o san furafereyɔrɔ (farimasini) la

  • N ka mɛn. Bi kɔfɛ, n tɛna farafinfura ta tungun

  • A la ye nɔgɔya kɛ. Ka tɔrɔ dɔgɔya

  • Amina. I ni ce kosɔbɛ