DENKUNLI

BARO: DENKUNLI

An bɛ baro min bɔ a ye sisan, o ye denkunli ta waleya ye.

Denkunli ye bɛɛ ta ko ye. Ni den bange la a kun bɛ li, a tɔgɔ bɛ don a toro la. Kabini sɔgɔma joonan, mɔgɔw bɛ nan ka caya denkunliyɔrɔ la, karamɔgɔw, cɛkɔrɔbaw, somɔgɔw, faw ni baw ni manmamusow ni teriw ni blanw, yɔrɔ bɛ fa dewu. Cɛw bɛ sigi luda la walima o bɛ taga misiri la. Musow bɛ taga so kɔnɔ k’a masɔrɔ denɲɛnin bɛ o yɔrɔ la a n’a bamuso. Jeliw, numuw, wolosow, olugu bɛɛ ye ɲamakalaw ye, denkunli tɛ kɛ o kɔ. Ala kana jeli to gintan na, Ala kana gintan fɔ jeli kɔ. N’i ka mɔgɔw wele, n’i ma fɛn d’o ma i na fɛn fɔ o ye. Denfaw bɛ yamariya di karamɔgɔw ma k’o ye tɔgɔ la den na.

Denkunli minan ye woro, dɛgɛ, bɔmɔn, bisiki, wari bɛ la o kan. Ni o minanw se la karamɔgɔw kɔrɔ, baara bɛ damina. Bɛɛ b’i daje sewu kalankɛ wagati la. Karamɔgɔw bɛ dugawu don, o bɛ kalan kɛ, o bɛ den tɔgɔ fɔ ka bɔ kɛnɛ kan, jeliba b’a lase, bɛɛ b’a mɛn.

O bɛ dugawu don den ye.

"Ala ye den balo, ka a nakan diya, ka a baman balo k’a faman balo, ka sinji diya a da"

Ala ye dugawu mina.

Amiina.

N’o tila la denkunli la, yanni mɔgɔw bɛ taga so, musow bɛ nan ni suman tobininw ye, zagamɛn, sɔsɔ ani dɛgɛ.

Denkunlijama bɛ domuni kɛ ka fa.

Bɛɛ bɛ nisɔndiya. O bɛ dugawu don ɲɔgɔn ye ka sɔrɔ ka yɛrɛkɛ.

VOCABULAIRE :

Tableau 1. Vocabulaire
denkunli baptème an nous bɛ aux. baro conversation, dialogue min lequel, laquelle, que bɔ sortir, dire a vous ye postposition bɔ… ye raconter quelque chose à quelqu’un sisan maintenant, tout de suite o ça ye être a il kun tête li raser tɔgɔ nom don mettre toro oreille la dans kabini depuis sɔgɔma matin joona tôt mɔgɔw les gens na venir ka aux. caya être nombreux denkunliyɔrɔ lieu de baptème karamɔgɔw marabouts cɛkɔrɔbaw vieux somɔgɔw parents faw les pères ni et baw les mères manmamusow les grands-mères manmacɛw grands-pères teriw les amis blanw les beaux-parents yɔrɔ endroit bɛ aux. fa remplir, bourrer dewu totalement, complètement cɛw hommes sigi s’asseoir luda devanture de la cour fɔ dérouler, se passer kɔ derrière, après mɔgɔw gens wele appeler ma nég. Passé fɛn chose di donner fɔ dire O leur	ye aux. tɔgɔ nom la poser, mettre, porter den enfan na à, dans minan accessoire ye être woro cola dɛgɛ dêguê bɔmɔn bonbon bisiki biscuit lase adresser mɛn entendre balo faire vivre, nourrir nakan destin diya rendre agréable baman avec une mère faman avec un père sinji le sein da bouche bugɔ frapper dɔgɔ petit frère don mettre ɲɔgɔn les uns, les autres ta de waleya acte, fait bɛɛ tous ko affaire den enfant bange la naître+acc la à, dans walima ou bien O ils taga partir sigi s’asseoir, s’installer misiri mosquée la à, dans musow femmes so maison kɔnɔ dans k’a masɔrɔ parce que denɲɛnin bébé yɔrɔ endroit bamuso mère jeliw griots numuw forgerons wolosow esclave de 2e génération olu, olugu eux bɛɛ tous ɲamakalaw hommes de caste kɔ derrière kana injonctif	to rester gintan divertissement na dans Ala Dieu wari argent la mettre, ajouter o ça kan sur tumana moment, période min où o ces minanw affaires, accessoires sela arriver+acc karamɔgɔw marabouts kɔrɔ auprès de baara travail damina commencer bɛɛ tous bɛ aux i toi, forme pronominale daje se taire sewu totalement kalankɛwagati moment de lire le coran dugawu bénédictions don mettre kalan lecture kɛ faire fɔ dire bɔ sortir kɛnɛ place silamɛ musulman mina attraper amiina amen tumana moment tila la finir+acc yani avant que taga partir na venir suman repas tobininw préparés zagamɛn riz gras tulɔnnin gras sɔsɔ haricot jaman foule, gens, monde domuni repas fa être rassasié nisɔndiya être content, de bonnne humeur kasɔrɔ ka avant de, procéder à, et après yɛrɛkɛ s’éparpiller

NYININGALIW :

Denkuliminanw ye jumɛn ye?
Muna o b’a fɔ ko denkunli tɛ mɔgɔkelenko ye?
Denkunli tɛ kɛ jɔn kɔ?
Denkunlibaara bɛ damina wagati jumɛn?
jɔn bɛ den tɔgɔ lase bɛɛ b’a mɛn?
Denkunlijaman bɛ mun kɛ kasɔrɔ ka yɛrɛkɛ ?
Muna bɛɛ b’i daje sewu kalankɛ wagati la?
I dege (deli) la ka taga denkunlikɛyɔrɔ dɔ la wa?
Denkunli bɛ kɛ Kanada wa?
I ka nyamakala dɔ lɔn Buake wa?

Jaabiliw