FANITIGI

Fanitigi i ni sɔgɔma.

Nse, hɛrɛ sila wa?

Tɔɔrɔ si tɛ n na, i ni lɔgɔ.

Nba, gbɛrɛ yan, na o flɛ flɛ. Fani ɲumanw bɛ yan dɛ. tɔgɔmanw yɛrɛ. Fani bɔnin kuraw lo.

ɛɛɛ tɔgɔmanw wa? cɛn na, an bena gbara (gbɛrɛ) i la dɛ sabu an nana fanisanko kosɔn.

Ayiwa, a danse. Faniw flɛ nin ye: n sen i sen, sisɛba n’a denw, n cɛ bɛ se ko la, kami, flɛriba, a na ja i la, o n’a ɲɔgɔnna caman.(et plusieurs autres, etc) (ceke be kɔnɔ ja)

« N muso bɛ se ko la », o bɛ i fɛ wa, Fanitigi?

Eee, n tericɛ, i bɛ yɛlɛko kɛ dɛ.(tu fais rire) ɔn-hɔn, a bɛ yan kɛ.

Ile tɔgɔ bɛ di?

Ne tɔgɔ ye Youssouf, n jamu ye DIARRA. N bɛ fani feere lɔgɔ la yan. mɔgɔw bɛ nan fani san n fɛ yan, o b’a tigɛ ka taga a feere. (il est grossiste)

Fanitigi i bena fani caman di n ma bi dɛ.

An bena bɛn.

N bena fani caman san i fɛ. « N sen i sen » o jigi ka na. « Sisɛba n’a denw» na n’o ye, « Flɛriba » , o di. « n furucɛ bɛ se ko la », o fara a kan.

ɛheee n tericɛ, ile tɔgɔ bɛ di? i nan na i nakun na. I nakan ka di.

Ne tɔgɔ ko sanikɛla.

Sanikɛla! Piyɛsi joli joli walima kɔnpile joli joli ? n k’a lɔn ko ile bena muso kura furu.

Eee Yousouf, o tɛ kɛnɛ ma kuma ye (pas des paroles de dehors), nka i ma fili dɛ. (tu ne tes pas trompé) N ko, n ni n maminamuso yɛrɛ le (c’est avec ma financé même) nana.

Ayiwa jarabi! an bɛ piyɛsi piyɛsi le ta walima an bɛ kɔnpile kɔnpile le ta ?

Eee, n kanuɲɔgɔn, a kɛ nɔgɔman ye, (fais ce qui est simple) kɔnpile kɔnpile.

Ayiwa fanitigi ! i k’a mɛn wa ? Tagafe saba saba, sigiyɔrɔman looru.

Eee n ya sanikɛla bɛrɛ, n bɛ kɔnpile kelen feere waga seegi^[1] nka n bɛ waga kelen kelen^[2] bɔ i ye, sabu I ka caman san. Waga woronfila sigiyɔrɔman looru, o bɛ bɛn waga bi saba ni looru ma.

Ale lo eee, i bɛ jate lɔn dɛ. Wari filɛ. Hɔn wari la. Ala ye lɔgɔ diya.

Amiina, ayiwa i ni ce. Ala ye an bɛn kelen ma. k’an bɛn siɲɛ wɛrɛ. N b’i somɔgɔw fo.

O bena a mɛn.