Sunguru ye jɔn ta ye ?

A qui est la jeune femme ?

Kanbelen saba tun bɛ nyɔgɔn fɛ. O nana sunguru dɔ sɔrɔ. O ra kanbelen kelen ko : « An ye taga yaala ka wari ɲini, ni an ka dɔ sɔrɔ, an bɛna fani san ka don sunguru ra. » O tagara yaala yaala.

Dubalen tun bɛ kanbelen fɔlɔ fɛ. Sanbara tun bɛ kanbelen flanan fɛ. Fla tun bɛ kanbelen sabanan fɛ. Tere dama tɛmɛnin kɔ, dubalen tigi ko : « Ne bɛna flɛri kɛ ne ta dubalen na. » A ka flɛri kɛ ka a ye ko sunguru sara. A ko : « Eee ! Sunguru sara !» Sanbaratigi ko : « Aw ye na, an bɛ jɛn ka an senw don ne ta sanbara kɔnɔ janko an ye se yi sisan. Ni o kɛra an bɛna sunguru su sɔrɔ ka a don. » Flatigi ko : « Ni an sera yi sisan, a bɛna kunu. » O jɛnna ka o senw don sanbara kɔnɔ. O yɔrɔnin bɛɛ, o sera sunguru ta dugu ra. Flatigi ka sunguru lakunu. A ɲanamayara kokura ka kɛ mɔgɔ ye.

Dubalentigi ko : « Ne ta le ye sunguru ye. » Sanbaratigi ko : « Ne ta le ye sunguru ye. » Flatigi ko : « Ne ta le ye sunguru ye. »

O mɔgɔ saba ra, sunguru bɛ kɛ jɔn ta le ye ?

Nin jaabi :

1. Jɔn le ka sunguru di nin kanbelen saba ma ?
2. Mun kosɔn kanbelen saba bɛɛ b’a fɛ ka sunguru sɔrɔ o dan na sisan ?
3. Mun kosɔn a ka gbɛlɛ an ma ka fɛn di tɔw ma ?