Sula ni Sonsani

Le singe et le lièvre

Ntalen ! Ntalen ! N k’a sɔrɔ Sula ni Sonsani le ra.

Sula ni Sonsani le tun ka teriya don. Sama tun b’a ta denmuso furura o wagati ra. A ko min sera ka bere bon ngɔnisun kan, ni a ma to yi, o tigi le b’a ta denmuso furu. A ka kongosogow bɛɛ wele.

O y’a sɔrɔ Sula ni Sonsani bɛ teriya ra. Sula tagara yɛlɛn yiri kan ka sigi yi. Mɔgɔ si tun tɛ a yera. Ni min k’a ta bere firi, a b’a mina k’a to yi. O bɛ ale gbɛn ka bɔ yi. Ni min k’a ta firi, a b’a mina k’a to yi. O bɛ ale gbɛn ka bɔ yi. Sonsani nana a ta firi. Sula ka ale mina, k’a ɲɔni ka ben Sonsani fɛ.

Bɛɛ ko : « Sonsani le ka muso sɔrɔ ! Sonsani le ka muso sɔrɔ ! Sonsani le ka muso sɔrɔ !» O ka muso belebele nin ta k’a di Sonsani ma ten fu. N ka sɔrɔ yɔrɔ min na, n k’a bla yi.

Nin jaabi :

1. Sula ni Sonsani ka mun kɛ ?
2. Sula ka Sonsani dɛmɛ gbansan wa ?
3. Ele yɛrɛ bɛ sɔn ka i teri dɛmɛ ten gbansan wa ? Mun na ?