Subagaya

Ntalen ! Ntalen ! N k’a sɔrɔ muso dɔ ni a cɛ le ra. Muso ni a cɛ tun ye subagaw ye.

Muso tun bɛ miirira ko ale kɔgɔra subagaya ra kosɛbɛ. Cɛ fana tun bɛ miirira ko ale ɲɔgɔn tɛ subagaya ra. O tora ten.

Lon dɔ, o tun b’a fɛ ka ɲɔgɔn kɔrɔbɔ. Cɛ siginin tora ko : « N ta muso, ele ko i ye subaga ye kɛ ?» Muso ko : « ɔnhɔn. »

Ayiwa, a k’a boro teren san fɛ ka marifa cikan kɛ ko, « Kpungun !» A ko a muso ma ko : « Taga sogo ta. » Muso wurira ka taga a sɔrɔ kongosogoba dɔ fagara ka tigɛtigɛ k’a don tasa dɔ kɔnɔ.

Muso fana k’a ta ka na lɔ cɛ kɔrɔ ko : « Ele ko i ye subaga ye kɛ ?» Cɛ ko : « ɔnhɔn. » Muso ko : « N bɛna. » A donna gbabugu ra ka bɔ yɔrɔnin kelen ka na lɔ ko : « Wuri ka taga domuni kɛ. » Cɛ wurira ka taga a sɔrɔ sogo mɔnna ka ban, ko bɛɛ dakaɲana. O fla ra, juman le ka farin ?

Nin jaabi :