Dimi

Ntalen kelen ye! N k’a tigɛ k’a bla.

Lon dɔ, Bakɔrɔni ni Suruku ni Wuru tun tagara j ɛg ɛminayɔr ɔ ra. O ka mɔnnin kɛ fɔ ka taga tere ban. O ma fɔyi sɔrɔ jɛgɛ den saba k ɔ. O ka j ɛg ɛ minw sɔrɔ, manɔgɔ den kelen ni tɛbɛn den fla. Ayiwa, o nana sigi ko o bɛ jɛgɛw taran. O ko Suruku ye j ɛg ɛ taran. Suruku ka manɔgɔ den kelen bla a yɛrɛ kɔrɔ, ka tɛbɛn den fla bla Wuru ni Bakɔrɔni kɔrɔ. Wuru ko: «Ee! Suruku, i tɛ se jɛgɛ taran cogo ra!» Wuru ka j ɛg ɛw mina k’a taran ka manɔgɔ den kelen bla a yɛrɛ kɔrɔ, ka tɛbɛn den fla taran Suruku ni Bakɔrɔni cɛ. Bakɔrɔni ko: «Wuru, ele fana tɛ se jɛgɛ taran cogo ra!» Ale ka j ɛg ɛw mina ka belebeleba bla a yɛrɛ kɔrɔ, ka fitini fla di Suruku ni Wuru ma. Suruku ko: «Alugu fla si tɛ se jɛgɛ taran cogo ra!» Suruku ka j ɛg ɛw mina k’a kɛ o cogo kelen na. O tora o ra, a nana se Wuru ma tuguni. Wuru ka fl ɛri k ɛ, ka man ɔg ɔ den kelen ta, o min ye jɛgɛw ra kunbaba ye, ka bori damina. Ayiwa, a borit ɔ, a ka kuma dɔ fɔ Bakɔrɔni ye. A ko: «Min ma bori lɔn o ka hakiri l ɔn.» O le tun ye Wuru bori kan ye.

Ayiwa, Suruku wurira ka gban Wuru kɔ k’a gb ɛn. Bakɔrɔni min tora kɔ fɛ, ale ka jɛgɛ den fla tɔ ta ka o kɛ a sago ye. O k ɔ fɛ, a tagara bɔgɔ gbɛman dɔ flɛ ka o nɔɔni ni ji ye k’a yɛrɛ gbɛ ni o ye. A wurira ka sira mina. A tagatɔ ka bisan fla tigɛ ka o mina a boro. Ayiwa, Suruku ma Wuru sɔrɔ minkɛ, a sekɔra ko a bɛna Bakɔrɔni n ɔ f ɛ, ko ni a nana a sɔrɔ yi, a bɛna a ɲimi jɛgɛ nɔ ra. A natɔ nana b ɛn ni Bak ɔr ɔni ye mais a m’a lon ko Bakɔrɔni lo. Suruku ka Bakɔrɔni fo ko: «B ɔg ɔgb ɛni, i ni ce.» Bakɔrɔni ko: «Nba!»

Suruku ka Bakɔrɔni ɲininka ko: «I ma Wuru ye yan wa?» Bakɔrɔni ko: «N ma Wuru ye, nka lɔ bugɔri bɛ yan ɲa kelen kelen.» Suruku sigira. Bakɔrɔni ka bisan ɲa kelen bɔ a ra. Suruku wurira ka tɛmɛ.

Bakɔrɔni munumununa ka taga Suruku kunbɛn tuguni. Suruku ka a fo tuguni ko: «Bɔgɔgbɛni, i ni ce.» A ko: «Nba.»

Suruku k’a ɲininka tuguni ko: «I ma Wuru ye yan wa?» Bɔgɔgbɛni ko: «Aa, ne ma Wuru ye yan dɛ, nka lɔ bugɔri bɛ yan ɲa fla fla.»

Suruku sigira. Bakɔrɔni ko a b’a bugɔ minkɛ, bisan nana ale yɛr ɛ mina a ɲagbaga ra. Bakɔrɔni kulera ko: «Kpɛɛ!» Suruku ko: «Ee, Bakɔrɔni le bɛ ne bugɔra ten wa?» Bakɔrɔni borira. Suruku gbanna a kɔ. Bakɔrɔni tagara ko a b ɛ don ɲɛg ɛn dɔ wo fɛ. Suruku ka mina a sen ma. Bakɔrɔni ko: «I ma ne le mina dɛ. I ka kabakuru le mina.» Suruku ka Bakɔrɔni sen bla ka kabakuru mina. Bakɔrɔni ka pabaw ka don bon na ko: «Aa, i tun ka ne sen le mina, nka sisan kabakuru le i boro.» Suruku sekɔra ni a ta dimi ye. N k’o sɔrɔ yɔrɔ min na, n k’o bla yi.

Nin jaabi :